阿黃去左間雲吞麵鋪叫左碗雲吞麵, 老細攞左碗有四粒鮮蝦雲吞既雲吞麵俾佢.
阿黃一見碗雲吞麵, 即刻拍曬枱:
老細 ! 呢碗唔係我想要既麵噃 ! 我要裏面有一粒鮮蝦雲吞, 一粒菜肉雲吞, 一粒意大利雲吞, 一粒炸雲吞 !
根據國際標準, 廣東有鮮蝦雲吞, 上海有菜肉雲吞, 酒樓有炸雲吞, 意大利有意大利雲吞. 所以一碗真雲吞麵一定要有齊咁多款, 我係唔會接受一碗假雲吞麵!
如果你俾唔到一碗真雲吞麵我, 我就坐係到賴死唔走, 等你做唔到生意, 甚至收唔到工 !
唔好諗住叫啲伙記趕我走 ! 我會拍低佢再放上網, 唱衰你哋係黑店, 再係OR勁俾負評你.
雖然你哋係OR有100個讚好, 30個負評, 但係我唔會理讚好嗰班, 我會聯絡嗰30個負評一齊走黎呢齋坐, 直到你哋執笠為止.... |